ઓફિસમાં બોસના ઠપકાથી બચવા માટે આ ત્રણ રાશિવાળાએ આ ગ્રહોને રાખવા જોઈએ શાંત.

0
148

આ 3 ગ્રહો ઓફિસમાં બોસ તરફથી મુશ્કેલી ઉભી કરે છે, જાણો તેમના નામ અને તેમને શાંત કરવાના ઉપાય.

જ્યોતિષમાં કેટલાક ગ્રહો એવા છે, જે બોસના સ્વભાવને પ્રભાવિત કરે છે. જ્યારે આ ગ્રહો અશુભ હોય છે, ત્યારે વ્યક્તિએ ઓફિસમાં સમસ્યાઓ અને અવરોધોનો સામનો કરવો પડે છે, તેની સાથે વ્યક્તિને બોસનો ઠપકો અને નારાજગીનો પણ ભોગ બનવું પડે છે.

એપ્રિલ મહિનો ચાલી રહ્યો છે. ઓફિસમાં કામ કરતા લોકો માટે આ મહિનો ખૂબ જ મહત્વપૂર્ણ છે. આ મહિને, તમારા વીતેલા વર્ષના કામનું મૂલ્યાંકન કરવામાં આવે છે અને તેના આધારે પ્રમોશન અને પગાર વધારો થાય છે. આ બધું તમારી પ્રતિભા, કામ કરવાની ક્ષમતા તેમજ બોસ તમારા કામથી કેટલી હદે પ્રભાવિત છે તેના પર નિર્ભર કરે છે. કારણ કે બોસને ખુશ કર્યા વિના જોઈતું પ્રમોશન મેળવવું થોડું મુશ્કેલ બની જાય છે. તેથી, બોસને ખુશ કરવા માટે, આ ગ્રહોને શુભ રાખવા ખૂબ જ મહત્વપૂર્ણ છે, ખાસ કરીને આ ત્રણ રાશિઓ માટે.

આ રાશિના લોકોએ બોસને રાખવા જોઈએ ખુશ :

જ્યોતિષ શાસ્ત્ર પ્રમાણે કન્યા, મકર અને મીન રાશિના લોકો માટે બોસને ખુશ રાખવા માટે ‘સૂર્ય’ ગ્રહને શુભ રાખવો ખૂબ જ જરૂરી છે. કન્યા રાશિના લોકોએ પોતાના બોસ સાથે દુશ્મની ન રાખવી જોઈએ, કારણ કે જો બોસ કન્યા રાશિથી ગુસ્સે થઈ જાય તો અંગત વિવાદ શરૂ થઈ જાય છે. મકર રાશિના લોકોએ બોસને ખૂબ માન આપવું જોઈએ. મીન રાશિના લોકોએ બોસના જ્ઞાનનો લાભ લેવો જોઈએ અને ગુરુની જેમ બોસ પાસેથી કંઈક શીખવું જોઈએ.

‘સૂર્ય’ બોસ છે :

જ્યોતિષ શાસ્ત્ર પ્રમાણે સૂર્ય ગ્રહને રાજા, શાસક, પિતા માનવામાં આવે છે. તે ઉચ્ચ પદનો કારણ પણ છે. એટલા માટે ઓફિસમાં કામ કરનારાઓએ સૂર્યને બળવાન બનાવવા પર વિશેષ ભાર આપવો જોઈએ. સૂર્ય જેટલો વધુ શુભ અને બળવાન હશે, તેટલું જ તમને તમારા બોસ તરફથી લાભ મળશે. ક્યારેક રાહુ અને કેતુ પણ તમારા બોસ સાથેના સંબંધોને બગાડવાનો પ્રયત્ન કરે છે. તેથી, આ પાપી ગ્રહો પર પણ ધ્યાન આપવું ખૂબ જ જરૂરી છે.

સૂર્ય ઉપાય :

રવિવાર સૂર્યને પ્રસન્ન કરવા માટે શ્રેષ્ઠ દિવસ માનવામાં આવે છે. રવિવારે સૂર્ય ભગવાનને જળ અર્પિત કરવું શુભ માનવામાં આવે છે. આ સાથે ગાયત્રી મંત્રનો જાપ કરવાથી પણ શુભ ફળ મળે છે. સૂર્યને પ્રસન્ન રાખવા માટે ઉચ્ચ પદ પર રહેલા લોકો અને ઘરના વડીલોનું સન્માન કરવું જોઈએ.

રાહુ કેતુના ઉપાય :

જ્યોતિષ શાસ્ત્રમાં રાહુ અને કેતુને અશુભ ગ્રહો કહેવામાં આવે છે. જ્યારે તે અશુભ હોય છે, તો ઓફિસમાં અનેક પ્રકારની સમસ્યાઓનો સામનો કરવો પડે છે. ભગવાન શિવ અને ગણેશની પૂજા કરવાથી આ ગ્રહોના દોષ દૂર થાય છે. ખોટી સંગતિ અને ખોટી વસ્તુઓના સેવનથી આ ગ્રહોની અશુભતા ખૂબ જ ઝડપથી વધી જાય છે. તેથી આ બાબતોથી દૂર રહેવું જોઈએ.

આ માહિતી એબીપી લાઈવ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.