“વાંઢેશનો વલોપાત”
એ જલેબી હશે તો હું ફાફડો થઈ જઈશ.
બાપૂ! એ રાણી હશે તો હું રાકડો થઈ જઈશ.
હવે દાદા મને ડાળીયે વળગાડો.
વધુ હવે નો આમ સમય બગાડો.
એ ભૂમિતિ હશે તો હું દાખલો થઈ જઈશ.
એ જલેબી હશે તો હું ફાફડો થઈ જઈશ.
ગામમાં હવે એક હું જ વાંઢો.
ગમે ન્યા ટાંગો, મને નથી વાંધો.
એ નાગણ હશે તો હું રાફડો થઈ જઈશ.
એ જલેબી હશે તો હું ફાફડો થઈ જઈશ.
કાચો કુંવારો હવે નથી રહેવું મારે.
આઘું પાછું કાળું ધોળું નથી જોવું મારે.
એ બગીચાની લોન હશે તો હું બાકડો થઈ જઈશ.
એ જલેબી હશે તો હું ફાફડો થઈ જઈશ.
બસ બાપૂ બસ વધુ આઝાદી નો ખપે.
તુહી રે તુહી રે દિલ દિન રાત તો જપે.
ઈ હોળી હશે તો હું ‘દેવ’ કાકડો થઈ જઈશ.
એ જલેબી હશે તો હું ફાફડો થઈ જઈશ.
બાપૂ! એ રાણી હશે તો હું રાકડો થઈ જઈશ.
– સાભાર દેવાયત ભમ્મર (અમર કથાઓ ગ્રુપ.)
