પ્રભુ શ્રીરામે ભક્ત માટે બનાવી રસોઈ, દરેકે જરૂર વાંચવી જોઈએ આ કથા

0
363

ભક્તને ભૂખ્યો જોઈને ભગવાન શ્રીરામે બનાવી તેના માટે રસોઈ, વાંચો રસપ્રદ કથા.

ઘણા વર્ષો પહેલાની વાત છે. એક આળસુ પણ ભોળો એવો યુવક હતો આનંદ. દિવસ આખો કોઈ કામ ન કરતો બસ ખાતો જ રહેતો અને સુતો રહેતો. ઘરવાળાએ કહ્યું ચાલો જાવ નીકળો ઘર માંથી, કોઈ કામ કરતા નથી બસ પડ્યા રહો છો. અને ઘર માંથી નીકળીને એમ જ ભટકતા એક આશ્રમ પહોચ્યા. ત્યાં તેણે જોયું કે એક ગુરુજી છે તેમના શિષ્ય કાંઈક કામ નથી કરતા બસ મંદિરમાં પૂજા કરતા રહે છે.

તેણે મનમાં વિચાર્યું કે આ ઉત્તમ છે કોઈ કામકાજ નહિ બસ પૂજા જ તો કરવાની છે. ગુરુજી પાસે જઈને પૂછ્યું, શું હું અહિયાં રહી શકું છું, ગુરુજી બોલ્યા હા, હા કેમ નહિ? આનંદે કહ્યું કે, પણ હું કોઈ કામ નથી કરી શકતો.

ગુરુજી : કોઈ કામ નથી કરવાનું બસ પૂજા કરવાની રહેશે

આનંદ : ઠીક છે તો હું કરી લઈશ, હવે આનંદ મહારાજ આશ્રમમાં રહેવા લાગ્યા. કોઈ જ કામ નહિ બસ આખો દિવસ ખાતા રહો અને પ્રભુ ભક્તિમાં ભજન ગાતા રહો.

મહિના જેટલો સમય થઇ ગયો પછી એક દિવસ આવી અગિયારસ. તેણે રસોડામાં જઈને જોયું કે કોઈ તૈયારી નથી. તેણે ગુરુજીને પૂછ્યું આજે ખાવાનું નહિ બને શું?

ગુરુજીએ કહ્યું નહિ આજે તો અગિયારસ છે તમારે પણ ઉપવાસ છે. તેણે કહ્યું નહિ જો મેં ઉપવાસ કરી લીધો તો કાલનો દિવસ જ નહિ જોઈ શકું, હું નથી કરી શકતો ઉપવાસ, મને તો ભૂખ લાગે છે તમે પહેલા કેમ ના કીધું? ગુરુજીએ કહ્યું ઠીક છે તુ ન કરીશ ઉપવાસ, પણ ખાવાનું પણ તારા માટે કોઈ બીજા નહિ બનાવે તારી જાતે જ બનાવી લે. મરેલો શું કરી શકે. ગયો રસોડામાં, ગુરુજી પાછા આવ્યા જો તું ખાવાનું બનાવી લે તો રામજીને ભોગ જરૂર ચડાવજે અને નદીની સામે પાર જઈને બનાવી લે રસોઈ. ઠીક છે, લાકડા, લોટ, તેલ, ઘી, શાકભાજી લઈને આનંદ મહારાજ જતા રહ્યા, જેમ તેમ કરીને ખાવાનું પણ બનાવ્યું, ખાવા લાગ્યો તો યાદ આવ્યું ગુરુજીએ કહ્યું હતું કે રામજીને ભોગ ચડાવવાનો છે. લાગ્યો ભજન ગાવા, આવો મારા રામજી, ભોગ લગાવો જી

પ્રભુ રામ આવો, શ્રીરામ આવો મારા ભોજનનો ભોગ ચડાવીએ. કોઈ ન આવ્યું, તો બેચેન થઇ ગયો કે અહિયાં તો ભૂખ લાગી રહી છે અને રામજી આવી જ નથી રહ્યા. ભોળા માણસ જાણતો નથી હોતો કે પ્રભુ સાક્ષાત તો આવશે નહિ. પણ ગુરુજીની વાત માનવી જરૂરી છે. પછી તેણે કહ્યું, જુવો પ્રભુ રામજી, હું સમજી ગયો કે તમે કેમ નથી આવી રહ્યા. મેં જેવું તેવું બનાવ્યું છે અને તમને સારું ભોજન ખાવાની ટેવ છે એટલા માટે નથી આવી રહ્યા, તો સાંભળો પ્રભુ, આજે ત્યાં પણ કાંઈ નથી બન્યુ, બધાને અગિયારસ છે, ખાવું હોય તો આ ભોગ જ ખાઈ લો.

શ્રીરામ પોતાના ભક્તની સરળતા ઉપર ઘણા હસ્યા અને માતા સીતા સાથે પ્રગટ થઇ ગયા. ભક્ત અવઢવમાં. ગુરુજીએ તો કહ્યું હતું કે રામજી આવશે પણ અહિયાં તો માતા સીતા પણ આવ્યા છે અને મેં તો ભોજન બસ બે લોકોનું બનાવ્યું છે. કોઈ વાંધો નહિ આજ તેમને જ ખવરાવી દઈએ.

કહ્યું પ્રભુ હું ભૂખ્યો રહીશ પરંતુ મને તમને બન્નેને ખવરાવીને સારું લાગી રહ્યું છે પરંતુ આવતી અગિયારસ ઉપર એવું ન કરતા પહેલા જણાવી દેજો કે કેટલા જણા આવવાના છો, અને હા થોડા વહેલા આવી જજો. રામજી તેની વાત ઉપર ઘણા ખુશ થયા. પ્રસાદ ગ્રહણ કરીને જતા રહ્યા. બીજી અગિયારસ સુધી તે ભોળો માણસ બધું ભૂલી ગયો. તેને લાગ્યું કે પ્રભુ આમ જ આવતા હશે અને પ્રસાદ ગ્રહણ કરતા હશે.

પછી અગિયારસ આવી. ગુરુજીને કહ્યું, હું ચાલ્યો મારું ખાવાનું બનાવવા પણ ગુરુજી થોડું વધુ અનાજ જોઇશે, ત્યાં બે લોકો આવે છે. ગુરુજી હસ્યા, ભૂખના લીધે ગાંડા કાઢે છે. સારું છે લઇ જા વધુ અનાજ.

આવતી વખતે તેણે ત્રણ લોકોનું ખાવાનું બનાવ્યું. પછી વિનંતી કરી, પ્રભુ રામ આવો, સીતારામ આવો, મારા ભોજનના ભોગ લગાવો. પ્રભુની મહિમા પણ નિરાળી છે. ભક્ત સાથે કૌતુક કરવામાં તેમણે પણ ઘણી મજા આવે છે. આ વખતે તે તેમના ભાઈ લક્ષ્મણ, ભરત અને શત્રુઘ્ન અને હનુમાનજીને લઈને ગયા. ભક્તને ચક્કર આવી ગયા. આ શું થયું. એકનું ભોજન બનાવ્યું તો બે આવ્યા આજે બે નું ભોજન વધુ બનાવ્યું તો આખું કુટુંબ આવી ગયું. લાગે છે આજે પણ ભૂખ્યા જ રહેવું પડશે. સૌનું ભોજન લગાવ્યું અને બેઠા બેઠા જોતો રહ્યો. અજાણતા જ તેની પણ અગિયારસ થઇ ગઈ.

પછી આવતી અગિયારસ પહેલા ગુરુજીને કહ્યું, ગુરુજી આ તમારા પ્રભુ રામજી, એકલા કેમ નથી આવતા દર વખતે કેટલા બધા લોકો લઈને આવે છે? આ વખતે અનાજ વધુ આપજો. ગુરુજીને લાગ્યું, ક્યાંક આ અનાજ વેચી તો નથી દેતો ને જોવું પડશે જઈને. ભંડારમાં ક્યાં તેને કેટલું અનાજ જોઈએ આપી દીધું અને છુપાઈને જોવા નીકળી પડ્યા.

આ વખતે આનંદે વિચાર્યું, ખાવાનું પહેલા નહિ બનાવું, ખબર નહિ કેટલા લોકો આવી જાય. પહેલા બોલાવી લઉં છું પછી બનાવું છું. પછી ભજન ની ધૂન લગાવી, પ્રભુ રામ આવો, શ્રી રામ આવો, મારા ભોજનના ભોગ લગાવો, આખું રામ દરબાર હાજર, આ વખતે તો હનુમાનજી પણ સાથે આવ્યા પરંતુ આ શું પ્રસાદ તો તૈયાર જ નથી. ભક્ત હતા ભોળા, કહ્યું પ્રભુ આ વખતે મેં ખાવાનું નથી બનાવ્યું, પ્રભુએ પૂછ્યું કેમ? કહ્યું મને મળતું તો નથી પછી શું ફાયદો બનાવવાનો, તમે જ બનાવી લો અને તમે જ ખાઈ લો.

રામજી હસ્યા, સીતા માતા પણ ગદગદ થઇ ગયા તેના નિર્દોષ જવાબથી, લક્ષ્મણજી બોલ્યા શું કરીએ પ્રભુ, પ્રભુ બોલ્યા ભક્તની ઈચ્છા છે પૂરી તો કરવી પડશે. આવો લાગી જાવ કામમાં. લક્ષ્મણજીએ લાકડા ઉપાડ્યા, માતા સીતા લોટ બાંધવા લાગ્યા. ભક્ત એક તરફ બેસીને જોઈ રહ્યો. માતા સીતા રસોઈ બનાવી રહ્યા હતા તો ઘણા ઋષિ-મુની, યક્ષ, ગંધર્વ પ્રસાદ લેવા આવવા લાગ્યા. ત્યાં ગુરુજીએ જોયું ખાવાનું તો બન્યું નથી ભક્ત એક ખૂણામાં બેઠા છે. પૂછ્યું દીકરા શું વાત છે ખાવાનું કેમ નથી બનાવ્યું?

કહ્યું, સારું કર્યું ગુરુજી તમે આવી ગયા જુવો કેટલા લોકો આવે છે પ્રભુ સાથે,

ગુરુજી બોલ્યા મને તો કાઈ નથી દેખાતું તારા અનાજ સિવાય

ભક્તે માથું પકડી લીધું, એક તો આટલી મહેનત કરાવે છે પ્રભુ, ભૂખ્યા પણ રહે છે અને ઉપરથી ગુરુજીને દેખાઈ પણ નથી રહ્યા આ બીજી મોટી મુસીબત છે.

પ્રભુને કહ્યું, તમે ગુરુજીને કેમ નથી દેખાતા?

પ્રભુ બોલ્યા: તે મને નઈ જોઈ શકે.

આનંદે કહ્યું : કેમ? તે તો મોટા પંડિત છે, જ્ઞાની છે, વિદ્વાન છે તેને તો ઘણું બધું આવડે છે તેમને કેમ નથી દેખાતા તમે?

પ્રભુ બોલ્યા, માન્યું કે તેમને બધું આવડે છે પણ તે સરળ નથી તારી જેમ. એટલા માટે તેને નથી દેખાઈ શકતા.

આનંદે ગુરુજીને કહ્યું, ગુરુજી પ્રભુ કહી રહ્યા છે તમે સરળ નથી એટલા માટે તમને નહિ દેખાય, ગુરુજી રડવા લાગ્યા ખરેખર મેં બધું મેળવ્યું પણ સરળતા ન મેળવી શક્યો તારી જેમ, અને પ્રભુ તો મનની સરળતાથી જ મળે છે. પ્રભુ પ્રગટ થઇ ગયા અને ગુરુજીને પણ દર્શન આપ્યા. આ રીતે એક ભક્તના કહેવા ઉપર પ્રભુએ રસોઈ પણ બનાવી. આ ભક્તિ કથા લોકશ્રુતિ ઉપર આધારિત છે.

આ માહિતી ધ ડિવાઇન ટેલ્સ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.