દુર્ગા અષ્ટમીના દિવસે આ શુભ યોગો બનવાના કારણે આ સમય દરમિયાન કરવામાં આવેલ પૂજા-ઉપાયોથી ઘણો ફાયદો થશે.
ચૈત્ર નવરાત્રીના પહેલા દિવસથી હિંદુ નવું વર્ષ શરૂ થાય છે (હિન્દી પંચાંગ અનુસાર). આ રીતે, ચૈત્ર મહિનાની નવરાત્રિ એ હિંદુ વર્ષની પ્રથમ નવરાત્રિ છે. નવરાત્રિના આ 9 દિવસો દરમિયાન માઁ દુર્ગાના 9 સ્વરૂપોની પૂજા કરવામાં આવે છે. અષ્ટમી તિથિ પર મહાઅષ્ટમી ઉજવવામાં આવે છે અને માઁ દુર્ગાની વિશેષ પૂજા કરવામાં આવે છે.
બીજી તરફ, રામ નવમી છેલ્લા દિવસે ઉજવવામાં આવે છે કારણ કે ભગવાન રામનો જન્મ ચૈત્ર શુક્લની નવમી તારીખે થયો હતો. આ વર્ષે નવરાત્રી સંપૂર્ણ નવ દિવસની છે એટલે કે તિથિમાં કોઈ ફેર નથી. આ 9 દિવસોમાં માઁ અંબેની આરાધના કરવાથી ઘણો લાભ થાય છે, કારણ કે નવરાત્રિના 9 દિવસ ખૂબ જ શુભ અને પવિત્ર માનવામાં આવે છે.
મહાઅષ્ટમી 2023 ક્યારે છે :
હિંદુ કેલેન્ડર મુજબ આ વર્ષે ચૈત્ર નવરાત્રિની દુર્ગા અષ્ટમી 29 માર્ચ બુધવારના રોજ છે. ચૈત્ર માસના શુક્લ પક્ષની અષ્ટમી તિથિ 29 મી માર્ચે રાત્રે 09:07 વાગ્યા સુધી રહેશે. આ દિવસે માઁ દુર્ગાના આઠમા અવતાર માઁ મહાગૌરીની પૂજા કરવામાં આવે છે. કેટલાક લોકો આ દિવસે હવન-પૂજન અને કન્યા પૂજન કરે છે. આ વખતે દુર્ગા અષ્ટમીના દિવસે રવિ યોગ અને શોભન યોગ બનવાના કારણે આ સમય દરમિયાન કરવામાં આવેલ પૂજા-ઉપાયોથી ઘણો ફાયદો થશે.
રામ નવમી 2023 ક્યારે છે?
હિંદુ પંચાંગ મુજબ આ વર્ષે રામ નવમી 30 માર્ચે ઉજવવામાં આવશે. ચૈત્ર શુક્લ નવમી તિથિ 30 માર્ચે રાત્રે 11:30 વાગ્યા સુધી રહેશે. મહાનવમી પર માતા સિદ્ધિદાત્રીની પૂજા કરવામાં આવે છે. આ સાથે જ ભગવાન રામની જન્મજયંતિ દેશભરમાં ધામધૂમથી ઉજવવામાં આવે છે.
આ વખતે મહાનવમીના દિવસે 4 શુભ યોગ – સર્વાર્થ સિદ્ધિ યોગ, રવિ યોગ, ગુરુ પુષ્ય યોગ અને અમૃત સિદ્ધિ યોગ રચાઈ રહ્યા છે. આ શુભ યોગોને જ્યોતિષમાં ખૂબ જ મહત્વપૂર્ણ માનવામાં આવ્યા છે. આમાં કરવામાં આવેલ પૂજા-પાઠ કે કાર્ય ખૂબ જ શુભ ફળ આપે છે. આ સાથે આ દિવસે હવન અને કન્યા પૂજન કરવું પણ શુભ રહેશે.
(ડિસ્ક્લેમર : અહીં આપેલી માહિતી માત્ર માન્યતાઓ અને જાણકારીઓ પર આધારિત છે. અત્રે એ ઉલ્લેખ કરવો જરૂરી છે કે અમે કોઈપણ પ્રકારની માન્યતા, જાણકારીને સમર્થન આપતા નથી. અમે તેની પુષ્ટિ કરતા નથી. કોઈપણ જાણકારી અથવા માન્યતાને લાગુ કરતાં પહેલાં, સંબંધિત નિષ્ણાંતની સલાહ લો.)
આ માહિતી ઝી ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
