“ગામના ગોંદરે ગાડુ આવે” – આ લોકગીત તમારા બાળપણના સંસ્મરણો તાજા કરીને મનને આનંદીત કરી દેશે.

ગામના ગોંદરે ગાડુ આવે ગાડુ આવે

નાનો નાગર એને હાંકી લાવે હાંકી લાવે

ટુંકી શી પોતડીને, પગમાં છે મોજડી

અંગે અંગરખું પહેરી આવે (૨) ગામને ગોંદરે…

ફાંફા એ ફોલતો ને સિંગ ચણા ફાકતો

ફાળિયું હમારતો એ હાલ્યો આવે (૨) ગામને ગોંદરે…

પૂળાનો ભાર ભર્યો ઊંચે આકાશ ચડ્યો

છાયા માં માથું ઢાંકી એ આવે (૨) ગામને ગોંદરે…

બળદોને હાંકતો મેં પૂછડા આમળતો

ડચ ડચ ડચકારા દેતો આવે (૨) ગામને ગોંદરે…