કાલભૈરવ અષ્ટકમ અને હિમાલય કૃતં શિવ સ્તોત્રમ ગુજરાતીમાં. આ સ્તોત્રનો પાઠ આપે છે અપાર લાભ.
“કાલભૈરવ અષ્ટકમ”
દેવરાજસેવ્યમાનપાવનાઙ્ઘ્રિપઙ્કજં
વ્યાલયજ્ઞસૂત્રમિન્દુશેખરં કૃપાકરમ
નારદાદિયોગિવૃન્દવન્દિતં દિગંબરં
કાશિકાપુરાધિનાથ કાલભૈરવં ભજે|| ૧||
ભાનુકોટિભાસ્વરં ભવાબ્ધિતારકં પરં
નીલકણ્ઠમીપ્સિતાર્થદાયકં ત્રિલોચનમ |
કાલકાલમંબુજાક્ષમક્ષશૂલમક્ષરં
કાશિકા પુરાધિનાથ કાલભૈરવં ભજે||૨||
શૂલટઙ્કપાશદણ્ડપાણિમાદિકારણં
શ્યામકાયમાદિદેવમક્ષરં નિરામયમ |
ભીમવિક્રમં પ્રભું વિચિત્રતાણ્ડવપ્રિયં
કાશિકા પુરાધિનાથ કાલભૈરવં ભજે ||૩||
ભુક્તિમુક્તિદાયકં પ્રશસ્તચારુવિગ્રહં
ભક્તવત્સલં સ્થિતં સમસ્તલોકવિગ્રહમ |
વિનિક્વણન્મનોજ્ઞહેમકિઙ્કિણીલસત્કટિં
કાશિકાપુરાધિનાથ કાલભૈરવં ભજે ||૪||
ધર્મસેતુપાલકં ત્વધર્મમાર્ગનાશકં
કર્મપાશમોચકં સુશર્મદાયકં વિભુમ |
સ્વર્ણવર્ણશેષપાશશોભિતાઙ્ગમણ્ડલં
કાશિકાપુરાધિનાથ કાલભૈરવં ભજે || ૫||
રત્નપાદુકાપ્રભાભિરામપાદયુગ્મકં
નિત્યમદ્વિતીયમિષ્ટદૈવતં નિરઞ્જનમ |
મૃત્યુદર્પનાશનં કરાળદંષ્ટ્રમોક્ષણં
કાશિકાપુરાધિનાથ કાલભૈરવં ભજે ||૬||
અટ્ટહાસભિન્નપદ્મજાણ્ડકોશસન્તતિં
દૃષ્ટિપાતનષ્ટપાપજાલમુગ્રશાસનમ |
અષ્ટસિદ્ધિદાયકં કપાલમાલિકન્ધરં
કાશિકાપુરાધિનાથ કાલભૈરવં ભજે ||૭||
ભૂતસઙ્ઘનાયકં વિશાલકીર્તિદાયકં
કાશિવાસલોકપુણ્યપાપશોધકં વિભુમ |
નીતિમાર્ગકોવિદં પુરાતનં જગત્પતિં
કાશિકાપુરાધિનાથ કાલભૈરવં ભજે ||૮||
કાલભૈરવાષ્ટકં પઠન્તિ યે મનોહરં
જ્ઞાનમુક્તિસાધનં વિચિત્રપુણ્યવર્ધનમ |
શોકમોહદૈન્યલોભકોપતાપનાશનં
તે પ્રયાન્તિ કાલભૈરવાઙ્ઘ્રિસન્નિધિં ધ્રુવમ ||૯||
ઇતિ શ્રીમચ્છઙ્કરાચાર્યવિરચિતં કાલભૈરવાષ્ટકં સંપૂર્ણમ.
“હિમાલય કૃતં શિવ સ્તોત્રમ”
હિમાલય ઉવાચ
ત્વં બ્રહ્મા સઋષ્ટિકર્તા ચ ત્વં વિષ્ણુઃ પરિપાલકઃ |
ત્વં શિવઃ શિવદોઽનન્તઃ સર્વસંહારકારકઃ ||૧||
ત્વમીશ્વરો ગુણાતીતો જ્યોતીરૂપઃ સનાતનઃ
પ્રકૃતઃ પ્રકૃતીશશ્ચ પ્રાકૃતઃ પ્રકૃતેઃ પરઃ ||૨||
નાનારૂપવિધાતા ત્વં ભક્તાનાં ધ્યાનહેતવે |
યેષુ રૂપેપુ યત્પ્રીતિસ્તત્તદ્રૂપં બિભર્ષિ ચ ||૩||
સૂર્યસ્ત્વં સૃષ્ટિજનક આધારઃ સર્વતેજસામ |
સોમસ્ત્વં સસ્યપાતા ચ સતતં શીતરશ્મિના ||૪||
વાયુસ્ત્વં વરુણસ્ત્વં ચ વિદ્વાંશ્ચ વિદુષાં ગુરુઃ |
મૃત્યુઞ્જયો મૃત્યુમૃત્યુઃ કાલકાલો યમાન્તકઃ ||૫||
વેદસ્ત્વં વેદકર્તા ચ વેદવેદાઙ્ગપારગઃ |
વિદુષાં જનકસ્ત્વં ચ વિદ્વાંશ્ચ વિદુષાં ગુરુઃ ||૬||
મન્ત્રસ્ત્વં હિ જપસ્ત્વં હિ તપસ્ત્વં તત્ફલપ્રદઃ |
વાક ત્વં રાગાધિદેવી ત્વં તત્કર્તા તદ્ગુરુઃ સ્વયમ ||૭||
અહો સરસ્વતીબીજ કસ્ત્વાં સ્તોતુમિહેશ્વરઃ |
ઇત્યેવમુક્ત્વા શૈલેન્દ્રસ્તસ્થૌ ધૃત્વા પદાંબુજમ ||૮||
તત્રોવાસ તમાબોધ્ય ચાવરુહ્ય વૃષાચ્છિવઃ |
સ્તોત્રમેતન્મહાપુણ્યં ત્રિસન્ધ્યં યઃ પઠેન્નરઃ ||૯||
મુચ્યતે સર્વપાપેભ્યો ભયેભ્યશ્ચ ભવાર્ણવે |
અપુત્રો લભતે પુત્રં માસમેકં પઠેદ્યદિ ||૧૦||
ભાર્યાહીનો લભેદ્ભાર્યાં સુશીલાં સુમનોહરામ |
ચિરકાલગતં વસ્તુ લભતે સહસા ધ્રુવમ ||૧૧||
રાજ્યભ્રષ્ટો લભેદ્રાજ્યં શઙ્કરસ્ય પ્રસાદતઃ |
કારાગારે શ્મશાને ચ શત્રુગ્રસ્તેઽતિસઙ્કટે ||૧૨||
ગભીરેઽતિજલાકીર્ણે ભગ્નપોતે વિષાદને |
રણમધ્યે મહાભીતે હિંસ્રજન્તુસમન્વિતે ||૧૩||
યઃ પઠેચ્છ્રદ્ધયા સમ્યક સ્તોત્રમેતજ્જગદ્ગુરોઃ |
સર્વતો મુચ્યતે સ્તુત્વા શઙ્કરસ્ય પ્રસાદતઃ ||૧૪||
ઇતિ શ્રીબ્રહ્મવૈવર્તે મહાપુરાણે શ્રીકૃષ્ણજન્મખણ્ડે
હિમાલયકૃતં શિવસ્તોત્રં સંપૂર્ણમ ||
