અહીં જાણો કોણ બુદ્ધિશાળી લોકોની શ્રેણીમાં આવે છે, જાણો કેવા લોકોની સંગત રાખવી જોઈએ.
ચાણક્ય એક શિક્ષક, ફિલસૂફ, અર્થશાસ્ત્રી અને રાજનેતા હતા જેમણે ભારતીય રાજકીય ગ્રંથ ‘અર્થશાસ્ત્ર’ લખ્યો હતો. તેમણે મૌર્ય વંશની સ્થાપનામાં મહત્વની ભૂમિકા ભજવી હતી. ગરીબ બ્રાહ્મણ પરિવારમાં જન્મેલા, ચાણક્યનું શિક્ષણ તક્ષશિલામાં થયું હતું જે ભારતના ઉત્તર પશ્ચિમ ભાગમાં સ્થિત એક પ્રાચીન શિક્ષણ કેન્દ્ર હતું. તેઓ અર્થશાસ્ત્ર, રાજકારણ, યુદ્ધ વ્યૂહરચના, ચિકિત્સા અને જ્યોતિષ જેવા વિવિધ વિષયોમાં ઊંડું જ્ઞાન ધરાવનાર ઉચ્ચ શિક્ષિત વ્યક્તિ હતા.
આ ક્રમમાં, આચાર્ય ચાણક્યએ એક નીતિશાસ્ત્રની રચના કરી જેમાં તેમણે એવી ઘણી બાબતોનો ઉલ્લેખ કર્યો છે જે માનવીની સફળતાના કારક બને છે. આ જ નીતિઓમાં એ વાતનો પણ ઉલ્લેખ છે કે તમારું જેની સાથે ઉઠવા-બેસવાનું છે, તે તમારા જીવનમાં ઘણી અસર કરે છે. ચાલો જાણીએ કે આચાર્ય ચાણક્યએ બુદ્ધિશાળી વ્યક્તિના કયા સંકેતો આપ્યા છે.
આચાર્ય ચાણક્ય અનુસાર જે લોકો વડીલોનું સન્માન કરે છે અને તેમની વાતનું પાલન કરે છે તે બુદ્ધિશાળી હોય છે. આ પ્રકારના લોકો બીજામાં પ્રેમ શોધે છે. આવા લોકોને ક્યારેય બીજામાં કોઈ ખામી દેખાતી નથી, કારણ કે તેઓ પોતે જ સારા માણસ હોય છે.
આચાર્ય ચાણક્ય કહે છે કે જેઓ સાહસી હોય છે, તેઓ પોતાના લક્ષ્ય પ્રત્યે સમર્પિત રહે છે. જે લોકો સફળતા માટે યોગ્ય સમયે યોગ્ય પગલાં લે છે તે બુદ્ધિશાળી લોકોની શ્રેણીમાં આવે છે.
ચાણક્યના નીતિશાસ્ત્ર અનુસાર, બુદ્ધિશાળી લોકો હંમેશા ટીમ વર્કમાં વિશ્વાસ રાખે છે, તેથી તેમને દરેક કાર્યમાં સફળતા મળે છે.
ચાણક્ય અનુસાર, બુદ્ધિશાળી લોકોમાં અન્ય કરતા વધુ તર્ક ક્ષમતા હોય છે. પોતાના અભ્યાસના બળ પર તે વિદ્વાનોને પણ હરાવી શકે છે.
સમજદાર લોકો ક્યારેય બીજાને વણમાગી સલાહ આપતા નથી. કારણ કે તેઓ જાણે છે કે સામાન્ય લોકો કોઈપણ મફત વસ્તુને નકામી માને છે અને તે મફતની વસ્તુને ગંભીરતાથી લેતા નથી.
આ માહિતી અમર ઉજાલા અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
