રાધાજીના દાદાજીએ ઝાંઝરીયું ઘડાવ્યુ [૨]
માતાજીએ હરખે પહેરાવ્યું રે [૨]
રાધાજીનું ઝાંઝરીયુ
ચાર પાંચ સહીયર ભેળા થઈને [૨]
ચાલો રાધા પાણીએ [૨]
રાધાજીનું ઝાંઝરીયુ
સોનલા ઈંઢોણી ને રૂપલાનું બેડલું [૨]
રાધાજી પાણી ચાલ્યા રે [૨]
રાધાજીનું ઝાંઝરીયુ
વાંકા વળીને રાધા ઘડુલો રે ભરતા [૨]
ઝાંઝર જળમાં ડૂબ્યું રે [૨]
રાધાજીનું ઝાંઝરીયું
ધ્રુસકે ને ધ્રુસકે રાધાજી રૂએ છે [૨]
સહીયર છાના રાખે રે [૨]
રાધાજીનું ઝાંઝરીયુ
ગાયો ચરાવતો એક ગોવાળ આવીયો [૨]
રાધાજીને પૂછવા લાગ્યો રે [૨]
રાધાજીનું ઝાંઝરીયુ
ઝાંઝર કાઢો તો એક દોકડો આપું [૨]
કોઈક દિન માખણ આપું રે [૨]
રાધાજીનું ઝાંઝરીયુ
કછોટો વાળીને પ્રભુ જળમાં રે પડીયા [૨]
ઝબકે ઝાંઝર લાવ્યા રે [૨]
રાધાજીનું ઝાંઝરીયુ
દોકડો ન આપ્યો ને માખણ ન આપ્યું [૨]
રાધાજીએ અંગુઠો બતાવ્યો રે
રાધાજીનું ઝાંઝરીયુ
ચાર પાંચ ગોવાળ ભેળા થઈને [૨]
રાધાને રસ્તે રોક્યાં રે [૨]
રાધાજીનું ઝાંઝરીયું
રાધાજી તે પ્રભુજીને પાયે પડીયાં [૨]
તમે જીત્યા ને અમે હાર્યાં રે [૨]
રાધાજીનું ઝાંઝરીયું
માખણ જોઈયે તો બરસાના આવજો
દોકડો જોઈયે તો ગોકુળમાં આવજો
પ્રભુજી મંદિર જઈને ઊભા રે [૨]
રાધાજીનું ઝાંઝરીયુ
માખણ આપ્યું ને દોકડો રે આપ્યો [૨]
ઉપરથી રાધાજીને પરણાવ્યા રે
રાધાજીનું ઝાઝરીયુ
રાધાજીનું ઝાંઝરીયું જે કોઈ ગાશે [૨]
વ્રજમાં વાસ એનો થાશે રે
રાધાજીનું ઝાંઝરીયુ
રાધાજીના દાદાજીએ ઝાંઝરીયું ઘડાવ્યુ [૨]
માતાજીએ હરખે પહેરાવ્યું રે [૨]
રાધાજીનું ઝાંઝરીયુ.
– સાભાર સંજય મોરવડીયા (અમર કથાઓ ગ્રુપ)
સાંભળો ઓડિયો :
