સાસુ અને માં બંને એક સાથે થઇ બીમાર, દીકરી મૂંઝાઈને કોની સેવા કરું અને કોની નહીં, જાણો પછી શું થયું.

0
2507

સંબંધ તો કોઈની સાથે પણ જોડી શકાય છે. પણ તેમાં પ્રેમના રંગ ભરતા ભરતા ઘણા અન્ય સંબંધોમાં તિરાડ પડી જાય છે. સંબંધનો પાયો પ્રેમ છે. જ્યારે પણ પ્રેમ વહેંચાય છે ત્યારે ઘણા સંબંધોમાં તિરાડ પડવા લાગે છે. સંબંધ એક પોટલી જેવો હોય છે, જ્યારે તે બંધાયેલો હોય છે ત્યારે બધા એક થઈ જાય છે અને તે પોટલી ખુલતાં જ બધા સંબંધો વિખેરાઈ જાય છે.

સંબંધ નિભાવવો કોઈ કહેવાય તે રાણી પાસેથી જાણી લો.

રાણી પોતાની માં ની લાડકી દીકરી છે, તે હંમેશા પોતાની માં ને કહેતી, મમ્મી, હું ફક્ત તમારી રાણી છું. ત્યારે તેની માં તેને ચીડવતી કે જ્યારે કોઈ રાજકુમાર ઘોડા પર સવાર થઈને આવશે તો તું તેના દિલની રાણી બની જશે. હવે મને એ જણાવ કે રાણી કોની કોની સાથે રહેશે. ત્યારે રાની કહેતી કે તે તેની મમ્મી સાથે જ રહેશે.

આ માં-દીકરીની આસપાસના દરેક લોકો જાણતા હતા કે આ બંને માં-દીકરીઓના જીવ એકબીજામાં રહેલા છે.

સમય જતા દીકરી મોટી થઈ ગઈ અને લગ્ન માટે યોગ્ય બની ગઈ. રાણીના માતા-પિતાએ તેના લગ્ન કરાવી દીધા. રાનીના લગ્ન એવા પરિવારમાં થયા હતા જ્યાં લોકો સંબંધનું મહત્વ સારી રીતે સમજતા હતા. આ જાણીને રાણીને ખૂબ આનંદ થયો. પણ ક્યાંક ને ક્યાંક તે આ સંબંધોમાં એટલી ગૂંચવાઈ ગઈ કે તેણીએ પોતાની માં તરફ ધ્યાન જ ન આપ્યું. પણ તેની માં તો તેને દરેક ક્ષણે યાદ કરતી.

રાણી ઘણા દિવસો પછી પોતાના પિયર આવી. બધા ઘણા ખુશ હતા અને તેમાં તેની માં ની ખુશીનું તો કોઈ ઠેકાણું જ ન હતું. તે ઘણી ખુશ હતી અને બધાને કહી રહી હતી કે, તેમની દીકરી આવી છે અને થોડા દિવસો રોકાઈને જ જશે.

જ્યારે રાણીએ પોતાની માં ને આવું કહેતા સાંભળી, ત્યારે તે પોતાની માં ને એ જણાવી શકી નહીં કે તે આજે રાત્રે જ પાછી જતી રહેવાની છે. માં ની ખુશી માટે તે થોડા દિવસ પિયરમાં જ રોકાઈ જાય છે.

રાણીની સાસુએ તેને તે જ રાત્રે પાછા આવવા કહ્યું હોય છે. પણ તે થોડા દિવસ પિયરમાં રોકાઈને સાસરે જાય છે. તે પોતાની સાસુની સૂચનાઓનું પાલન કરવામાં નિષ્ફળ થઈ જાય છે અને જ્યારે તે ઘણા દિવસો પછી સાસરે પાછી જાય છે તો તેના અને તેની સાસુ વચ્ચેના સંબંધોમાં ખટાશ આવી જાય છે. તેમ છતાં રાણી પોતાનો શ્રેષ્ઠ પ્રયાસ કરે છે અને પોતાની સાસુને ફરિયાદ કરવાની એક પણ તક આપતી નથી.

પરંતુ રાણી પોતાના સંબંધની માવજત કરવાને બદલે તેને જટિલ બનાવી રહી હતી. તે સમજી શકતી ન હતી કે માં અને સાસુના સંબંધને કેવી રીતે સંભાળવા? તે પોતાના સંબંધોને સંભાળી તો રહી હતી, પણ તેમાં પ્રેમની જરૂરિયાત છે તે વાત તે સમજી શકતી ન હતી. આ સમજણનો અભાવ તેના માટે ઘણી સમસ્યાઓ ઊભી કરનારો હતો. અને જ્યારે કોઈ સંબંધ ગૂંચવાય જાય છે ત્યારે તે ખૂબ નબળા થઈ જાય છે.

પરિસ્થિતિ એવી ઉભી થઇ જે રાણીના સાસુ અને માં બંને ખૂબ બીમાર પડી ગઈ. બંનેની હાલત અત્યંત ગંભીર હતી. હવે રાણી મૂંઝાઈ ગઈ. ક્યાં જવું, કોની મદદ કરવી એ તેને સમજાઈ રહ્યું ન હતું.

એવામાં એક સાંજે રાણીની માં અને તેની સાસુએ દુનિયા માંથી વિદાય લીધી. રાણીએ પોતાના સાસરિયામાં રહીને પોતાની સાસુને અંતિમ વિદાય આપી. અને તે પોતાની માં ના અંતિમ દર્શન પણ કરી શકી નહીં. રાણીએ પોતાના સંબંધોને સમય આપ્યો પરંતુ પ્રેમ નહીં.