શ્રીસૂર્ય દિવ્ય કવચ સ્તોત્રમ્ ગુજરાતીમાં : દરરોજ નિયમિત રીતે કરવો જોઈએ સૂર્યદેવના આ કવચ સ્તોત્રનો પાઠ.
શ્રીસૂર્યકવચમ્
ઘૃણિર્મે શીર્ષકં પાતુ સૂર્યઃ પાતુ લલાટકમ્ ।
આદિત્યઃપાતુ નેત્રે દ્વે શ્રોત્રે પાતુ દિવાકરઃ ॥ ૧॥
નાસિકાં ચ ત્રયીપાતુ પાતુ ગણ્ડસ્થલે રવિઃ ।
પાતૂત્તરોષ્ઠમુષ્ણાંશુરધરોષ્ઠમહર્પતિઃ ॥ ૨॥
દન્તાન્પાતુ જગચ્ચક્ષુઃ જિહ્વાં પાતુ વિભાવસુઃ ।
વક્ત્રં પાતુ સહસ્રાંશુઃ ચિબુકં પાતુ શઙ્કરઃ ॥ ૩॥
પાર્શે પાતુ પતઙ્ગશ્ચ પૃષ્ઠં પાતુ પ્રભાકરઃ ।
કુક્ષિં દિનમણિઃ પાતુ મધ્યં પાતુ પ્રજેશ્વરઃ ॥ ૪॥
પાત્વંશુમાલી નાભિં મે કટિં પાત્વમરાગ્રણીઃ ।
ઊરૂ પાતુ ગ્રહપતિઃ જાનુની પાતુ સર્વગઃ ॥ ૫॥
જઙ્ઘે ધામનિધિઃ પાતુ ગુલ્ફૌ પાતુ પ્રભાકરઃ ।
માર્તાણ્ડઃ પાતુ પાદૌ મે પાતુ મિત્રોઽખિલં વપુઃ ॥ ૬॥
ફલશ્રુતિઃ
ઇદમાદિત્યનામાખ્યં કવચં ધારયેત્સુધીઃ ।
સદીર્ઘાયુસ્સદા ભોગી સ્થિરસમ્પદ્વિજાયતે ॥ ૭॥
ધર્મસઞ્ચારિણો લોકે ત્રયીશ્રી સૂર્યવર્મણા ।
આવૃતં પુરુષં દ્રષ્ટુમશક્તા ભયવિહ્વલાઃ ॥ ૮॥
મિત્રયન્તોદ્ભવન્તસ્તં તિરસ્કર્તું તદક્ષમમ્ ।
વિરોધિનસ્તુ સર્વત્ર તદાચરણતત્પરાઃ ॥ ૯॥
દારિદ્ર્યં ચૈવ દૌર્ભાગ્યં મારકસ્ત્વિહ દહ્યતે ।
સૂર્યેતિ સુરરાજેતિ મિત્રેતિ સુમનાસ્સ્મરન્ ॥ ૧૦॥
પુમાન્ન પ્રાપ્નુયાદ્દુઃખં શાશ્વતં સુખમશ્નુતે ।
સર્વોન્નતગુણાધારં સૂર્યેણાશુ પ્રકલ્પિતમ્ ॥ ૧૧॥
કવચં ધારયેદ્યસ્તુ તસ્ય સ્યાદખિલં વશમ્ ।
સદા ગદાધરસ્યાપિ છેત્તું કિં ચ તદક્ષયમ્ ॥ ૧૨॥
તસ્ય હસ્તે ચ સર્વાપિ સિદ્ધીઃ પ્રત્યયદાયિનીઃ ।
સુખસ્વપે યદા સૂરઃ સ્વસ્ય વર્મોપવિષ્ટવાન્ ॥ ૧૩॥
યાજ્ઞવલ્ક્યો સ્તવાન્ સપ્ત સમક્ષં હૃદયે મુદા ।
સ ઘૃણિસ્સૂર્ય આદિત્યસ્તપનસ્સવિતા રવિઃ ॥ ૧૪॥
કર્મસાક્ષી દિનમણિર્મિત્રો ભાનુર્વિભુર્હરિઃ ।
દ્વાદશૈતાનિ નામાનિ ત્રિસન્ધ્યં યઃ પઠેન્નરઃ ॥ ૧૫॥
તસ્ય મૃત્યુભયં નાસ્તિ સપુત્રો વિજયી ભવેત્ ।
દ્વાભ્યાં ત્રિભિસ્ત્રિભિર્વ સન્મન્ત્રપદ્ધતિમ્ ॥ ૧૬॥
વિજ્ઞાયાષ્ટાક્ષરીમેતાં ઓઙ્કારાદિ જપેત્કૃતી ।
મન્ત્રાત્મકમિદં વર્મ મન્ત્રવદ્ગોપયેત્તથા ॥ ૧૭॥
અમન્દવિદુષઃ પુંસો દાતું તદ્દુર્લભં ખલુ ।
દુર્લભં ભક્તિહીનાનાં સુલભં પુણ્યજીવિનામ્ ॥ ૧૮॥
ય ઇદં પઠતે ભક્ત્યા શૃણુયાદ્વા સમાહિતઃ ।
તસ્ય પુણ્યફલં વક્તુમશક્યં વર્ષકોટિભિઃ ॥ ૧૯॥
ઇત્યાદિત્ય પુરાણે ઉત્તરખણ્ડે યાજ્ઞવલ્ક્ય વિરચિતં શ્રીસૂર્યકવચં સમ્પૂર્ણમ્ ।
સ્વર્ભુવર્ભૂરોમિત દિગ્વિમોકઃ
શ્રી સૂર્યનારાયણ પરબ્રહ્માર્પણમસ્તુ ।
ઇતિ શ્રીસૂર્યકવચં સમ્પૂર્ણમ્ ।
“શ્રીસૂર્ય દિવ્ય કવચ સ્તોત્રમ્”
ૐ અસ્ય શ્રીસૂર્યનારાયણ દિવ્ય કવચ સ્તોત્ર મહામન્ત્રસ્ય
હિરણ્યગર્ભ ઋષિઃ । અનુષ્ટુપ્છન્દઃ શ્રીસૂર્યનારાયણો દેવતા ।
સૂં બીજં, ર્યાં શક્તિઃ, યાં કીલકમ્ ।
શ્રીસૂર્યનારાયણપ્રસાદસિદ્ધ્યર્થે જપે વિનિયોગઃ ।
કરન્યાસઃ
ૐ શ્રીસૂર્યનારાયણાય અઙ્ગુષ્ઠાભ્યાં નમઃ
પદ્મિનીવલ્લભાય તર્જનીભ્યાં નમઃ
દિવાકરાય મધ્યમાભ્યાં નમઃ ॥
ભાસ્કરાય અનામિકાભ્યાં નમઃ ॥
માર્તાણ્ડાય કનિષ્ઠિકાભ્યાં નમઃ ॥
આદિત્યાય કરતલકરપૃષ્ઠાભ્યાં નમઃ ॥
એવં હૃદન્યાસઃ
લોકત્રયેતિ દિગ્બન્ધઃ ।
ધ્યાનં
ત્રિમૂર્તિરૂપં વિશ્વેશં શૂલમુદ્ગરધારિણમ્ ।
હિરણ્યવર્ણં સુમુખં છાયાયુક્તં રવિં ભજે ॥
અથ સ્તોત્રમ્ ।
ભાસ્કરો મે શિરઃ પાતુ લલાટં લોકબાન્ધવઃ ।
કપોલૌ ત્રયીમયઃ પાતુ નાસિકાં વિશ્વરૂપભૃત્ ॥ ૧॥
નેત્રે ચાધોક્ષજઃ પાતુ કણ્ઠં સપ્તાશ્વવાહનઃ ।
માર્તાણ્ડો મે ભુજૌ પાતુ કક્ષૌ પાતુ દિવાકરઃ ॥ ૨॥
પાતુ મે હૃદયં પૂષા વક્ષઃ પાતુ તમોહરઃ ।
કુક્ષિં મે પાતુ મિહિરો નાભિં વેદાન્તગોચરઃ ॥ ૩॥
દ્યુમણિર્મે કટિં પાતુ ગુહ્યં મે અબ્જબાન્ધવઃ ।
પાતુ મે જાનુની સૂર્યો ઊરૂ પાત્વુરુવિક્રમઃ ॥ ૪॥
ચિત્રભાનુસ્સદા પાતુ જાનુની પદ્મિનીપ્રિયઃ ।
જઙ્ઘે પાતુ સહસ્રાંશુઃ પાદૌ સર્વસુરાર્ચિતઃ ॥ ૫॥
સર્વાઙ્ગં પાતુ લોકેશો બુદ્ધિસિદ્ધિગુણપ્રદઃ ।
સહસ્રભાનુર્મે વિદ્યાં પાતુ તેજઃ પ્રભાકરઃ ॥ ૬॥
અહોરાત્રૌ સદા પાતુ કર્મસાક્ષી પરન્તપઃ ।
આદિત્યકવચં પુણ્યં યઃ પઠેત્સતતં શુચિઃ ॥ ૭॥
સર્વરોગવિનિર્મુક્તો સર્વોપદ્રવવર્જિતઃ ।
તાપત્રયવિહીનસ્સન્ સર્વસિદ્ધિમવાપ્નુયાત્ ॥ ૮॥
સંવત્સરેણ કાલેન સુવર્ણતનુતાં વ્રજેત્ ।
ક્ષયાપસ્મારકુષ્ઠાદિ ગુલ્મવ્યાધિવિવર્જિતઃ ॥ ૯॥
સૂર્યપ્રસાદસિદ્ધાત્મા સર્વાભીષ્ટફલં લભેત્ ।
આદિત્યવાસરે સ્નાત્વા કૃત્વા પાયસમુત્તમમ્ ॥ ૧૦॥
અર્કપત્રે તુ નિક્ષિપ્ય દાનં કુર્યાદ્વિચક્ષણઃ ।
એકભુક્તં વ્રતં સમ્યક્સંવત્સરમથાચરેત્ ।
પુત્રપૌત્રાન્ લભેલ્લોકે ચિરઞ્જીવી ભવિષ્યતિ ॥ ૧૧॥
સ્વર્ભુવર્ભૂરોમિતિ દિગ્વિમોકઃ ।
ઇતિ શ્રીહિરણ્યગર્ભસંહિતાયાં શ્રીસૂર્યનારાયણદિવ્યકવચસ્તોત્રં સમ્પૂર્ણમ્ ।
