ભગવદ ગીતાના આ 10 ઉપદેશોમાં છુપાયેલું છે સુખી જીવનનું રહસ્ય, તમારે આ વાતો જાણવી જ જોઈએ.

0
532

દેશના મોટાભાગના ભાગોમાં આજે જન્માષ્ટમીનો તહેવાર ઉજવવામાં આવી રહ્યો છે, એટલે કે આજે રાત્રે 12 વાગ્યે કૃષ્ણનો જન્મ થશે અને દેશ-વિદેશમાં રહેલા ભાવિક ભક્તો જન્મજયંતિમાં ભાગ લેશે. સનાતન સંસ્કૃતિમાં કૃષ્ણનું અલગ જ સ્થાન છે. તે બધા સુર-અસુરો, દેવતાઓ અને દાનવોના ઉદ્ધારક છે. કૃષ્ણ એ સત્ય છે, જેનું કેવળ સ્મરણ સર્વ દુઃખ દૂર કરે છે. ભગવાને પોતે વચન આપ્યું છે. તે પોતાના ભક્તોનો ઉદ્ધર કરતા રહે છે.

અને જ્યારે આપણે ભગવાન કૃષ્ણ વિશે વાત કરીએ છીએ, ત્યારે આપણે સૌ પ્રથમ ‘ભગવદ્ ગીતા’ને યાદ કરીએ છીએ, જે પોતાના મૂલ્યો અને વિશ્વાસ માટે વ્યાપક માન્યતા ધરાવે છે. જન્માષ્ટમીના અવસર પર, અમે તમને ભગવદ ગીતાના કેટલાક એવા ઉપદેશો જણાવી રહ્યા છીએ, જે તમને જીવનનું મૂલ્ય સમજવામાં મદદ કરશે અને તમને દરરોજ પ્રેરણા આપશે.

જેઓ માત્ર કર્મના ફળની ઈચ્છાથી પ્રેરાયેલ હોય છે તેઓ દુ:ખી થાય છે, કારણ કે તેઓ જે કરે છે તેના પરિણામ માટે તેઓ સતત ચિંતિત રહે છે. ભગવદ ગીતામાં કહેવામાં આવ્યું છે કે વ્યક્તિએ હંમેશા પોતાનું કર્મ કરતા રહેવું જોઈએ.

નિઃસ્વાર્થ સેવાથી તમે હંમેશા ફળદાયી રહેશો અને તમારી મનોકામનાઓ પૂરી થશે. ભગવદ ગીતામાં કહેવાયું છે કે માણસે નિઃસ્વાર્થ ભાવે સેવા કરવી જોઈએ. આનાથી બધી મનોકામનાઓ પૂરી થાય છે.

ભગવદ ગીતામાં કહેવામાં આવ્યું છે કે વ્યક્તિએ હંમેશા સકારાત્મક વિચાર રાખવા જોઈએ. આનાથી તમે ક્યારેય નિરાશ નહીં થાઓ અને મુશ્કેલીના સમયે તમે શાંત ચિત્તે તમામ સમસ્યાઓનો ઉકેલ લાવી શકશો.

ભગવદ ગીતામાં કહેવામાં આવ્યું છે કે વા-સ-ના, ક્રોધ અને લોભ એ ત્રણ પ્રકારના નરકના દ્વાર છે, જે વ્યક્તિ તેને અપનાવે છે, તેનો નાશ થાય છે. તેથી કામ, ક્રોધ અને લોભથી હંમેશા દૂર રહેવું જોઈએ.

ભગવદ ગીતા પ્રમાણે, જે વ્યક્તિની દિનચર્યા અને આહાર સંતુલિત છે અને જે અનુશાસનમાં રહે છે. આવા લોકો દુ:ખ અને રોગોથી દૂર રહે છે. તેથી સારા સ્વાસ્થ્ય માટે સાત્વિક વસ્તુઓ જ ખાવી જોઈએ.

ભગવદ ગીતામાં કહેવાયું છે કે જો વ્યક્તિમાં જિજ્ઞાસા હોય તો જ તેને જ્ઞાન મળે છે. કોઈ જાણકારને પૂછશો નહીં, ત્યાં સુધી તેઓ કંઈ કહેશે નહીં. શાસ્ત્રોમાં લખેલી વસ્તુઓ, ગુરુની વાતો અને તમારા અનુભવ વચ્ચે તાલમેલ બનાવશો તો જ તમે જ્ઞાન મેળવી શકશો.

ભગવદ ગીતા પ્રમાણે વ્યક્તિએ હંમેશા પોતાની પસંદગી અને સ્વભાવને ધ્યાનમાં રાખીને કામની પસંદગી કરવી જોઈએ. એટલા માટે તમારે હંમેશા એ જ કામ કરવું જોઈએ જેમાં તમને આનંદ મળે. આ સાથે એ વાતનું પણ ધ્યાન રાખો કે જે કામ હાથમાં લીધું છે તે પૂરૂ કરવું જોઈએ અને તમારું કોઈ પણ કામ અધૂરું ન છોડો.

ભગવદ ગીતામાં કહેવાયું છે કે ચિંતામાંથી દુઃખનો જન્મ થાય છે. તેથી ચિંતા છોડીને કર્મ પર ધ્યાન કેન્દ્રિત કરવું જોઈએ. જે વ્યક્તિ આ ચિંતા છોડી દે છે, તે સર્વત્ર સુખી, શાંત અને દોષોથી મુક્ત બને છે.

ભગવદ ગીતા પ્રમાણે, વ્યક્તિએ હંમેશા આત્મ મંથન કરવું જોઈએ, જેથી તે સાચા-ખોટાને ઓળખી શકે અને સાચો માર્ગ પસંદ કરી શકે. એક માણસને પોતાનાથી વધુ સારી રીતે કોઈ ઓળખી શકતું નથી અને પોતાનાથી સારું જ્ઞાન કોઈ આપી શકતું નથી. તેથી તમારે સમય સમય પર તમારું મૂલ્યાંકન કરવું જોઈએ.

ભગવાન શ્રીકૃષ્ણએ ભગવદ્ ગીતામાં કહ્યું છે કે વ્યક્તિએ પોતાની બધી ઇન્દ્રિયોને પોતાના નિયંત્રણમાં રાખવી જોઈએ, કારણ કે જે વ્યક્તિની ઇન્દ્રિયો તેના નિયંત્રણમાં છે તેની બુદ્ધિ પણ સ્થિર છે. અર્થાત્ જે વ્યક્તિએ ઇન્દ્રિયો જીભ, ત્વચા, આંખ, નાક અને કાન પર નિયંત્રણ રાખ્યું છે, તે તમામ સાંસારિક સુખો ભોગવી શકે છે.

આ માહિતી ઝી ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.