ભર્તૃહરિએ નીતિ શતકમમાં જણાવ્યું છે કે તમારી કઈ આદતો તમારા જીવનમાં વણજોઈતી મુશ્કેલી નોતરે છે, સમજો કામની વાત.
ઉજ્જૈન એ સપ્તપુરી એટલે કે 7 સૌથી પવિત્ર અને પૌરાણિક શહેરોમાંનું એક છે. ઉજ્જૈનનું વર્ણન ઘણા ધાર્મિક ગ્રંથોમાં જોવા મળે છે. શ્રી કૃષ્ણએ તેમનું શિક્ષણ અહીં જ મેળવ્યું હતું અને તેમની એક પત્ની પણ અહીંની હતી. ઉજ્જૈનના રાજા વિક્રમાદિત્ય વિશે કોણ નથી જાણતું. તેમના નામ પર તો વિક્રમ સંવતની શરૂઆત થઈ.
ભર્તૃહરિ નામના તેમના એક મોટા ભાઈ હતા. ભર્તૃહરિએ નીતિ શતકમ, વૈરાગ્ય શતકમ, શૃંગારશતક વગેરે પુસ્તકોની રચના કરી હતી. નીતિ શતકમમાં જીવનને સુખી અને સફળ બનાવવાના સૂત્રો સમજાવવામાં આવ્યા છે. નીતિ શતકમમાં મનુષ્યની કેટલીક ખરાબ આદતો વિશે જણાવવામાં આવ્યું છે, જે ભવિષ્યમાં મુશ્કેલીનું કારણ બની શકે છે. આજે અમે તમને તે ખરાબ આદતો વિશે જણાવવા જઈ રહ્યા છીએ.
આ ખરાબ આદતોથી રહો દૂર :
1) કારણ વગર શત્રુ બનાવવા :
કેટલાક લોકો નાની-નાની વાત પર બીજા સાથે લડવા લાગે છે. તેમની આ આદત તેમના શત્રુઓની સંખ્યામાં વધારો કરે છે. એક દિવસ એવો પણ આવે છે જ્યારે તેમના મિત્રો કરતાં તેમના શત્રુઓ વધી જાય છે. આવી સ્થિતિ સારી નથી હોતી. સંસ્કારી સમાજમાં રહીને પણ આવા લોકો જુદા જ રહે છે. તેમની આ આદત તેમને મુશ્કેલીમાં મૂકી શકે છે.
2) બીજાના પૈસા મેળવવાનો પ્રયાસ કરવો :
એ વાત તો બધા જાણે છે કે લોભ એ ખરાબ વસ્તુ છે, પરંતુ તેમ છતાં ઘણા લોકો આ વાત માનતા નથી. ક્યારેક આ આદત તમને મોટી મુશ્કેલીમાં મુકી શકે છે. જેના કારણે માન-સન્માનની સાથે ક્યારેક જાનહાનિની સ્થિતિ પણ સર્જાય છે. તેથી આ આદતને બને તેટલી વહેલી તકે છોડી દેવી સારી છે.
3) દયા ન કરવી :
કેટલાક લોકો સ્વભાવે ખૂબ જ કઠોર હોય છે, તેમનામાં કરુણાનો અંશ પણ હોતો નથી. આ અવગુણને કારણે આવા લોકો ઘણી વખત અન્ય લોકોની ઘૃણાને પાત્ર બની જાય છે. જે વ્યક્તિ દયા નથી બતાવતો, તેની આ આદતને કારણે તે કોઈને કોઈ સમયે મુશ્કેલીમાં ચોક્કસ આવી જાય છે.
4) હંમેશા ગુસ્સામાં રહે છે :
દરેકને ગુસ્સો આવે છે, પરંતુ કોઈપણ કારણ વગર સતત ગુસ્સે રહેવું યોગ્ય નથી. આવા સ્વભાવના લોકો સાથે વાત કરવી કોઈને ગમતું નથી કે કોઈ તેમની મદદ કરતું નથી. ઘણી વખત લોકો મુશ્કેલીમાં હોય ત્યારે પણ તેમને મદદ કરવામાં અચકાય છે. આ લોકોની આ આદત મુસીબતનું કારણ બની જાય છે.
5) મિત્રો અને સ્વજનોની મદદ ન કરવી :
ખરાબ સમયમાં સ્વજનોને મદદ કરવી એ માનવતા છે, પરંતુ કેટલાક લોકો પૈસા આવતા જ પોતાના સ્વજનોથી દૂર થઈ જાય છે અને સક્ષમ હોવા છતાં તેમની મદદ કરતા નથી. આમ કરવાથી તેઓ બીજાના મનમાં પોતાના પ્રત્યે કડવાશ ભરી દે છે. આ સ્થિતિ સારી નથી. કારણ કે સમય ક્યારેય સરખો હોતો નથી. આવું વર્તન ક્યારેક તમારા માટે મુશ્કેલીનું કારણ બની શકે છે.
આ માહિતી એશિયા નેટ ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
