હાલની પરિસ્થિતિમાં બંધબેસતી આ વાત છે. પરિવારોમાં 1G, 2G, 3G, 4G અને 5G, વાંચવા સમય કાઢજો.

0
393

આપણા પરિવારોમા આજે જે કાંઈ સાધન સગવડ કે પૈસે ટકે સુખી સંપન્ન છીએ એમાં છેલ્લી ચાર ચાર પેઢીઓની અથાક મહેનત લગન પરસેવો અને પરિશ્રમના પરિણામે છીએ.

આજે ગાડી બંગલામાં પહોંચતા ચાર ચાર પેઢીઓ હોમાઈ ગઈ છે. અને એ પણ કોઈ સીધા સરકારી લાભો કે (આ) રક્ષણ વગર. આપબળે…. સ્વમહેનતે… સ્વમાનભેર…!!

1G : આપણા વડદાદાઓ

ગોળ રોટલો કઢી

ધોતી કેડિયું પેઢી.

રાત દા’ડો જોયા વગર મજૂરી કરીને જેમતેમ ગાડું ગબડાવ્યું. ટૂંકમાં આ પેઢીએ જીવન ચલાવ્યું ને કંઈક ભેગું કર્યું.

2G : આપણા દાદાઓ

ધી-દૂધ, શિરો-મગ

ધોતિયું-પહેરણ-ટોપી.

જેટલા મહેનતુ એટલા જ ગણતરીવાળા. શિક્ષણનું મહત્વ આ લોકો બહુ પહેલા સમજી ગયા, અને આપણા બાપાઓ ને ભણાવ્યા. જે પોતે ભણી ના શક્યા એમને બચત કરી શહેરો તરફ તગળ્યા. અને એમને નોકરી ધંધામાં વાળ્યાં. ટૂંકમાં આ પેઢીએ ભેગું કર્યું..!

3G : આપણા બાપાઓ

શ્રીખંડ રસ રોટલી

પેન્ટ-શર્ટ સફારી બુટ મોજા.

શહેરોમાં બસ્કુ બાંધીને આવ્યા, કરકસર, સંઘર્ષ, આયોજન, સેફ સાહસો કર્યા, ખૂબ રાજકીય/સામાજિક/ધાર્મિક પહોંચ બનાવી, ખૂબ મહેનત કરી, અને આજે દુકાનો કારખાના ઓફીસો/જમીન – જાયદાત/ગાડી-બંગલા ખડા કરી દીધા. તમારા પપ્પાને આજે એમની સંઘર્ષની કહાની પૂછજો મજ્જા આવશે. ટૂંકમાં આ પેઢીએ વધાર્યું…!

4G: એટલે આપણે બધા.

પંજાબી – ચાઈનીઝ – અનલિમિટેડ થાળી.

જીન્સ/ટી-શર્ટ વાળી પેઢી.

અધેલી ની આવક અને રૂપિયાનો ખર્ચો. સ્માર્ટ ફોનવાળી પેઢી. પાર્ટીઓ, ખર્ચાઓ, દેખાડાઓ, હોટલો, આબુ-દિવ-દમણ અને માતાજી ની બાધાઓ, શેર-સટ્ટાઓ. ડાયરા – ડીજે. સમજી ગ્યા કે લાંબુ ચલાવું?

ટૂંકમાં આ પેઢીએ ઉડાવ્યું…!

હા… હાલની આ પેઢી ખૂબ જ ગુસ્સાવાળી, પોતાના હક અને અધિકાર માટે સામી છાતીએ લ ડનાર, ધર સરકાર કે સિસ્ટમ સામે ખુલ્લું બંડ પોકારનાર બાહોશ અને બળવત્તર પેઢી છે. બસ જરૂર છે તો એમને સમયસર એક સાચી દિશા ની સાચા માર્ગદર્શનની. સાચા વિચારની.

5G : આપણા છોકરાં.

મેગ્ગી – મસાલા ઢોસા – બોનવિટા બર્ગર/પીઝા – પાઉ – પોપકોન વાળી પેઢી.

ફાટેલા જીન્સ અને બરમુંડા ની પેઢી. લાઈફમાં બધું જ એકદમ સેટ..! એકદમ રેડી..!

કોઈ જ ટેન્શન નહીં.

કોઈ મગજમારી નહીં.

કોઈ જવાબદારી નહીં.

કોઈ ચિંતા કે ઉચાટ નહીં.

લાઈફમાં કોઈ મિશન કે મહત્વાકાંક્ષા પણ નહીં.

ઘર-ગાડી-બંગલા બધું જ

રેડી ટુ યુઝ…!

ટુંકમાં આ પેઢી તમારા જ પૈસે તમને પાર્ટી આપે. ગિફ્ટ આપે. અને પાછા શીખવાડે કે પપ્પા આમ સ્ટાઇલમાં રેવા’નું.

બોલો…!!!!

પણ આ જનરેશન ખૂબ જ ફાસ્ટ છે. ખૂબ જ સ્માર્ટ છે. ખૂબ જ ચબરાક છે.

જો..જો.. સંભાળજો…..

ખૂબ જ અધીરી અને ઉતાવળી પેઢી છે. લાલચ લાડ ને જિદમા ઊછરેલી આ પેઢી છે.

બસ જરૂર છે તો એમને સમયસર એક સાચી દિશાની. સાચા માર્ગદર્શનની સાચા વિચારની.

નહીંતર આપણી ચાર ચાર પેઢીની મહેનત અને પરિશ્રમ પર પાણી ફરી વળશે.

કેમ કે આપણે એમના માટે કરવા જેવું કંઈજ બાકી રાખ્યું નથી.! શિક્ષણ પ્રત્યે પરિવાર પ્રત્યે એમનામાં સૂગ અને નિરાશા પ્રસરતી જાય છે.!

મહેનત મજૂરી અને પરસેવાની કમાણી એટલે શું એ એમને ખબર નથી. કારણ કે ચોવીસ કલાક એસિ મા રહે છે.

આપણે શું કરી શકીએ?

નોકરી-ધંધા-રોજગાર ને પોતાનામાં ખૂબ જ ખૂંપી ગયેલા આપણે સૌ થોડો સમય આપણા આ 5G બાળકોને આપીએ.

તેમને મંદિરે લઈ જઈએ. તેમના હૃદયમાં ધર્મના નીતિનિયમો દૃઢ કરાવીએ. વાર તહેવાર અવસર પ્રસંગમાં એમને સીધા જોતરીએ.

એમને આપણા પરિવારનો સમાજનો ભવ્ય સામાજિક અને સાંસ્કૃતિક વારસો સમજાવીએ.

આપણા બાપ-દાદાઓના સંઘર્ષની વાતો માંડીએ.

આપણા બાપ-દાદાઓની અસ્મિતા ઓળખ અને આત્મસન્માનને ઉજાગર કરીએ.

એમનામાં આપણા પરિવારનું સ્વમાન અને સ્વાભિમાન કેળવીએ.

એમનામાં પરમાત્માના સાચેરા છોરું હોવાનો અહોભાવ ઉત્પન્ન કરાવીએ.

– સાભાર દિપક મેટકર (અમર કથાઓ ગ્રુપ)