ભીષ્મએ યુધિષ્ઠિરને કહ્યું છે કઈ તિથિએ શ્રાદ્ધ કરવાથી શું ફળ મળે છે, જાણો તિથિ પ્રમાણે શ્રાદ્ધથી મળતા ફળ વિશે

સંસ્કારી સંતાન ઈચ્છો છો તો દિવસે કરવું જોઈએ શ્રાદ્ધ, જાણો ખાસ બાબતો.

ધાર્મિક ગ્રંથો પ્રમાણે પિતૃપક્ષમાં શ્રાદ્ધ, તર્પણ વગેરે કરવાથી અનેક શુભ ફળ મળે છે. આ અંગે અનેક ધાર્મિક ગ્રંથોમાં ઉલ્લેખ કરવામાં આવ્યો છે. આ અંગેની વિસ્તૃત માહિતી મહાભારતમાં જોવા મળે છે.

હિંદુ ધર્મમાં, શ્રાદ્ધ, તર્પણ અને પિંડ દાન દરેક વ્યક્તિ માટે ફરજિયાત ધાર્મિક વિધિઓ છે. એટલે કે, કોઈપણ સંજોગોમાં, તમારે તમારા પૂર્વજોની શાંતિ માટે આ કરવું જ જોઈએ. આ વખતે શ્રાદ્ધ પક્ષ 10 થી 25 સપ્ટેમ્બર સુધી રહેશે. મહાભારતના અનુશાસન પર્વમાં ભીષ્મ પિતામહે યુધિષ્ઠિરને શ્રાદ્ધ વિશે વિગતવાર જણાવ્યું છે. ભીષ્મે યુધિષ્ઠિરને પણ કહ્યું છે કે કઈ તિથિએ શ્રાદ્ધ કરવાથી શું ફળ મળે છે. જાણો તિથિ પ્રમાણે શ્રાદ્ધથી મળતા ફળ વિશે.

1) ભીષ્મ પિતામહે યુધિષ્ઠિરને કહ્યું કે જે વ્યક્તિ એકમની તિથિ પર પિતૃઓનું શ્રાદ્ધ કરે છે, તેને એવી પત્ની મળે છે જે ખૂબ જ સુંદર અને સંસ્કારી બાળકને જન્મ આપનારી હોય છે.

2) જે વ્યક્તિ બીજની તિથિ પર પિતૃઓનું શ્રાદ્ધ કરે છે, તેના ઘરમાં સંસ્કારી કન્યાઓનો જન્મ થાય છે. જે કુળનું નામ ઉજ્જવળ કરે છે.

3) ત્રીજની તિથિ પર શ્રાદ્ધ કરવાથી ઘોડાની પ્રાપ્તિ થાય છે, એવું મહાભારતમાં લખ્યું છે.

4) જે વ્યક્તિ ચોથની તિથિ પર શ્રાદ્ધ કરે છે, તેને ઘેટાં-બકરા જેવા અનેક નાના પ્રાણીઓનો લાભ મળે છે.

5) સંસ્કારી પુત્ર મેળવવા માટે પાંચમની તિથિ પર શ્રાદ્ધ કરવું જોઈએ.

6) જે વ્યક્તિ છઠની તિથિ પર શ્રાદ્ધ કરે છે, તેનું આકર્ષણ અને તેજ વધે છે. એટલે કે દરેક વ્યક્તિ તેની વાત સરળતાથી સ્વીકારી લે છે.

7) સાતમે શ્રાદ્ધ કરવાથી ખેતીમાં લાભ મળે છે.

8) આઠમે શ્રાદ્ધ કરવાથી વેપારમાં લાભ થાય છે.

9) જે વ્યક્તિ નોમની તિથિ પર શ્રાદ્ધ કરે છે, તેને ઘોડા અને ખચ્ચર વગેરે ખડીવાળા પ્રાણીઓનો લાભ મળે છે.

10) મહાભારત પ્રમાણે દશમ તિથિ પર શ્રાદ્ધ કરવાથી ગાયથી લાભ મળે છે.

11) શ્રાદ્ધની અગિયારશની તિથિને ઈન્દિરા એકાદશી કહે છે. આ દિવસે શ્રાદ્ધ કરવાથી સુખ-સમૃદ્ધિ વધે છે અને સંસ્કારી સંતાનનો જન્મ થાય છે.

12) શ્રાદ્ધ પક્ષની બારસની તિથિ એટલે કે દ્વાદશીના દિવસે શ્રાદ્ધ કરવાથી સોના અને ચાંદી જેવી કિંમતી ધાતુઓમાં વધારો થાય છે.

13) તેરસની તિથિ પર શ્રાદ્ધ કરવાથી સમાજમાં માન-સન્માન મળે છે.

14) ચૌદશની તિથિના દિવસે એ જ વ્યક્તિનું શ્રાદ્ધ કરવું જોઈએ કે જેનું અકાળે મ-રૂ-ત્યુ-થ-યુંહોય, જેમ કે કોઈ ઘટના કે અકસ્માતમાં અથવા કોઈશ-સ્ત્ર-થી.

15) શ્રાદ્ધ પક્ષની છેલ્લી તિથિને સર્વ પિતૃ અમાવસ્યા કહેવામાં આવે છે. આ દિવસે શ્રાદ્ધ કરવાથી વ્યક્તિની તમામ મનોકામનાઓ પૂરી થાય છે.

(ડિસ્ક્લેમર : અહીં આપેલી માહિતી માત્ર માન્યતાઓ અને જાણકારીઓ પર આધારિત છે. અમે તેની પુષ્ટિ કરતા નથી. અત્રે એ ઉલ્લેખ કરવો જરૂરી છે કે અમે કોઈપણ પ્રકારની માન્યતા, જાણકારીને સમર્થન આપતા નથી.)

આ માહિતી એશિયા નેટ ન્યુઝ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.