આપણે આપણી આવનારી પેઢી માટે શું કરવું જોઈએ તે વેદ વ્યાસજીના જીવન પરથી શીખવા મળે છે.

0
211

શિવ પુરાણમાં એક કથા છે. જ્યારે ભગવાન શિવે સૃષ્ટિની રચનાની જવાબદારી ભગવાન બ્રહ્માને સોંપી ત્યારે તેમણે ભગવાન વિષ્ણુને તેનું સંચાલન કરવા વિનંતી કરી. બ્રહ્માંડના વિનાશની જવાબદારી ભગવાન શિવે પોતાની પાસે રાખી. તેમણે પોતાનું સર્વ જ્ઞાન બ્રહ્માજીને સોંપી દીધું.

બ્રહ્માજીએ સૃષ્ટિની રચના કરી. તેમના મુખમાંથી ચાર વેદ પ્રગટ થયા, જેમાં વિશ્વનું સર્વ જ્ઞાન સમાયેલું હતું. પછી વિશ્વભરમાંથી શાસ્ત્રો બહાર આવ્યા અને આ રીતે સમગ્ર વિશ્વમાં જ્ઞાન ફેલાયું. તે જ સમયે દ્વૈપાયનનો જન્મ થયો હતો દ્વાપર યુગમાં. વિશ્વ તેમને વ્યાસના નામથી પણ ઓળખે છે.

બ્રહ્માજીએ તેમના પુત્ર નારદને તમામ જ્ઞાન આપ્યું, નારદના શિષ્ય વ્યાસ હતા. નારદે પોતાનું સર્વ જ્ઞાન વ્યાસને આપ્યું. નારદજીએ વ્યાસને કહ્યું કે, તમે ખૂબ જ વિદ્વાન છો અને જ્ઞાનની વસ્તુઓનું ખૂબ જ સારી રીતે સંપાદન કરો છો. તેથી આપણું આ જ્ઞાન એવી રીતે સંપાદિત કરો કે તે આવનારી પેઢીઓ માટે ઉપયોગી સાબિત થાય.

પછી વ્યાસજીએ વેદોનું સંપાદન કર્યું અને ચાર વેદ બનાવ્યા. પોતાના શિષ્યો સાથે મળીને તેમણે 18 મહાપુરાણોની રચના કરી. વેદ વ્યાસના નામથી સમગ્ર વિશ્વમાં તેમની ખ્યાતિ ફેલાઈ ગઈ. તેમણે પુરાણોના જ્ઞાનને ચાર લાખ શ્લોકોમાં ખૂબ જ વ્યવસ્થિત રીતે વહેંચી દીધુ. ઘણા પુરાણોમાં એક – એક લાખ શ્લોક હતા, તો તેને સારી રીતે યાદ રાખી શકાય એટલા માટે તેમણે તેની સંખ્યા ઘટાડી દીધી.

તેથી જ ગુરુ પૂર્ણિમાનો તહેવાર વેદ વ્યાસને કેન્દ્રમાં રાખીને ઉજવવામાં આવે છે.

શીખ : ગુરુ શું કરે છે? જ્ઞાનને પોતાના શિષ્યો લાયક બનાવે છે. અને શિષ્યોને જ્ઞાનને લાયક બનાવે છે. આ આખી વાર્તા એ સંદેશ આપે છે કે, જે રીતે પરમાત્માએ પોતાનું જ્ઞાન બ્રહ્માજીને, બ્રહ્માજીએ નારદજીને અને નારદજીએ વેદ વ્યાસને આપ્યું હતું. પછી વેદ વ્યાસે તેનું સંપાદન કર્યું હતું અને અન્યોને સમજાય એવું સરળ બનાવ્યું હતું. તેમ આપણે પણ આપણી પાસે જે જ્ઞાન છે, તેને વ્યવસ્થિત, વિભાજિત કરીને અન્યોને આપવું જોઈએ જેથી આવનારી પેઢી તેનો લાભ લઈ શકે.

આ માહિતી દૈનિક ભાસ્કર અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.