પ્રેમ મંદિરમાં જે પણ આવે છે તે કલાકો સુધી ત્યાં જ રોકાઈ જાય છે, જાણો તેનું કારણ શું છે?
મથુરાના વૃંદાવનમાં આવેલું પ્રેમ મંદિર દુનિયાભરમાં પ્રખ્યાત છે. આ મનમોહક મંદિરને જોવા માટે દેશ-વિદેશના લોકો વૃંદાવન આવે છે. આ મંદિરની સુંદરતા દરેકને મંત્રમુગ્ધ કરી દે છે. આ જ કારણ છે કે ભક્તો કલાકો સુધી અહીં રહેવા મજબુર થઈ જાય છે. તો ચાલો આજે તમને જણાવીએ આ મંદિર સાથે જોડાયેલી કેટલીક રહસ્યમય વાતો જે તમે કદાચ જ સાંભળી હશે.
વૃંદાવનનું આ પ્રેમ મંદિર ભગવાન શ્રી કૃષ્ણ-રાધા અને રામ-સીતાને સમર્પિત છે. તમને જાણીને આશ્ચર્ય થશે કે આ ભવ્ય મંદિરની રચના પાંચમા જગદગુરુ કૃપાલુ મહારાજ દ્વારા કરવામાં આવી હતી. આખું મંદિર 11 વર્ષમાં એક હજાર મજૂરોએ બનાવ્યું હતું.
આ ભવ્ય અને સુંદર મંદિરનું નિર્માણ જાન્યુઆરી 2001 માં શરૂ કરવામાં આવ્યું હતું અને તેનો ઉદ્ઘાટન સમારોહ 15 ફેબ્રુઆરીથી 17 ફેબ્રુઆરી 2012 દરમિયાન યોજાયો હતો. ત્યારબાદ 17 ફેબ્રુઆરીએ તેને સાર્વજનિક રૂપથી ખોલવામાં આવ્યું. આ મંદિરની ઊંચાઈ 125 ફૂટ અને લંબાઈ 122 ફૂટ છે. અને મંદિરની પહોળાઈ લગભગ 115 ફૂટ છે. આ મંદિર આરસના પથ્થરોથી બનેલું છે જે ઈટાલીથી આયાત કરવામાં આવ્યા હતા.
આ પ્રેમ મંદિરમાં 94 કલામંડિત સ્તંભો છે, જે કિંકીરી અને મંજરી સખીઓના વિગ્રહને દર્શાવે છે. આ ઉપરાંત મંદિરની રંગબેરંગી રોશની પણ ભક્તોને ખૂબ આકર્ષે છે. આ મંદિરમાં દેશ ઉપરાંત વિદેશથી પણ લોકો આવે છે. હોળી અને દિવાળી દરમિયાન મંદિરનો નજારો જોવા જેવો હોય છે.
આ મંદિરનું મુખ્ય આકર્ષણ શ્રી કૃષ્ણની સુંદર ઝાંખી અને સીતા-રામનો સુંદર ફૂલ બંગલો છે. મંદિરના ફુવારાઓમાં શ્રી કૃષ્ણ અને રાધાની સુંદર ઝાંખીઓ, શ્રી ગોવર્ધન ધારણલીલા, કાલિય નાગ દમનલીલા, ઝૂલન લીલાઓનું ખૂબ જ સુંદર નિરૂપણ કરવામાં આવ્યું છે.
આ મંદિરની વિશેષતા એ છે કે તે દિવસે સંપૂર્ણ સફેદ દેખાય છે અને સાંજે તે વિવિધ રંગોમાં દેખાય છે. જણાવી દઈએ કે અહીં વિશેષ લાઇટિંગ લગાવવામાં આવી છે, જેના કારણે મંદિરનો રંગ દર 30 સેકન્ડે બદલાય છે.
મંદિરમાં સત્સંગ માટે વિશાળ ભવન બનાવવામાં આવ્યું છે. જેમાં 25000 હજાર લોકો એકસાથે બેસી શકે છે. આ ભવનને પ્રેમ ભવન કહેવામાં આવે છે. જે વર્ષ 2018 માં સામાન્ય લોકો માટે ખોલવામાં આવ્યું હતું.
(ડિસ્ક્લેમર : અહીં આપેલી માહિતી સામાન્ય ધારણાઓ અને માહિતી પર આધારિત છે. અમે તેની પુષ્ટિ કરતા નથી.)
આ માહિતી એબીપી અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી સંપાદન કરી લીધેલ છે.
